قافقازلی قارداشلار ایله گوروش

قافقازلی قارداشلار ایله گوروش

ای صفاسین اونودمایان قافقاز

گلمیشم ذوق آلام مراقیندان

 

غیرتی جوشغون اولمایان نه بیلیر

کی نه لر چکمیشم فراقیندان

 

اوخوروق بیز سیزین ترانه لری

یادگار عمرلردن ایللردن

 

باکینین سوز-سویی حکایه لری

دوشمز ایللر دویونجا دیللردن

 

سازیمین غملی سیملرینده منیم

باکی نین باشقا بیر ترانه سی وار

 

سینه مین دار خرابه سینده درین

بو جواهرلرین خزانه سی وار

 

سن کیمی قارداش اوز قارینداشینی

آتماییب اوزگه کیمسه توتمایاجاق

 

قوجا تبریزده یوزمین ایل کچسه

باکی قارداشلارین اونوتمایاجاق

 

گلمیشیک دوغما یوردوموز باکیا

قوی بو تاریخده افتخار اولسون

 

شهریارداندا بو افقلرده

بو سینیق نغمه یادگار اولسون

لینک کوتاه مطلب: http://gozaltabrizim.com/GozaLH6pGj
این مطلب را هم ببینید...
شعر حیدر بابا دنیا یالان دنیادی با ترجمه
دیدگاه خود را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بالا